Varkvleisfrikkadelle. Foto: Sakpasgeregte
ʼn Sakpas-resep vir wanneer die maand ʼn bietjie te lank raak.
(Uit: Vrouekeur 3 deur Marlo Carstens)
Lewer 4 porsies
Bestanddele:
Frikkadelle
- 800 g varkmaalvleis
- 1 ui, fyngekap
- 187 ml vars broodkrummels
- 1 ekstragroot eier
- 5 ml droë pietersielie
- 5 ml Worcestershiresous
- 2,5 ml knoffelsout
- knippie fyn koljander
- 7,5 ml sout
- 2,5 ml varsgemaalde swartpeper
Kool
- bietjie olie
- 1 ui, fyngekap
- 2 knoffelhuisies, gekneus
- 1 klein kop kool, fyngekap
- 1 wortel, grofgerasper
- sout en varsgemaalde swartpeper
Metode:
- 1. Voorverhit die oond tot 180 ˚C. Spuit ’n oondpan met kleefwerende kossproei.
- Frikkadelle: Meng die bestanddele vir die frikkadelle goed en vorm in kleinerige balletjies.
- Rangskik die frikkadelle in die voorbereide oondpan en bak vir 30 minute. Draai die
- frikkadelle gereeld om sodat dit egalig verbruin.
- Kool: Verhit die olie en braai die ui en knoffel daarin tot sag. Voeg kool en wortel by en
- roerbraai vir 5 minute. Geur met sout en peper na smaak.
- Sit frikkadelle bo-op kool voor.
Bron: Sakpasgeregte
Uitgewer: Lapa